Anecdote
(page 73, extrait)
Luy mesme, MON GRAND, MON VICTORIEUX, à peine estoit
il hors du tetin, de son mamma, & de ses enfantins beguaymens, quand
un jour la Dame de Miossans sa gouvernante, (fleur de son siecle, &
dont encore aujourd'huy plusieurs belles fleurs) luy dit sur le pourtrait
d'une grande Princesse, C'EST VOSTRE MAISTRESSE, TIRES LUY LE CHAPPEAU,
MONSIEUR ; OUY À ELLE MESME, respond-il, ET NON PAS A SA PEINCTURE.
Ô quel beguayement ! Mais ô quel parler ! ô quel enfant
! Mais ô quel homme en un enfant, qui condamne tant et tant d'hommes
qui se plaisent aux peinctures, comme petis enfants ! Aussi dit-on que
l'enfance des Princes est courte, & leur esprit en fleur, quand les
autres en bouton : & en fruict, quand les autres en fleur. Voyla comme
Alexandre en ses plus tendres jours entretenoit les ambassadeurs du grand
Roy de Perse.
|